Y Dechreuad
Elusen gofrestredig a chwmni cyfyngedig trwy warant yw GISDA. Sefydlwyd y cwmni yn 1985 gan grŵp o wirfoddolwyr yn ardal Caernarfon mewn ymateb i’r broblem gynyddol o ddigartrefedd ymysg pobl ifanc yn y dref yn yr 80au a’r rhagfarnau oedd yn eu hwynebu wrth geisio cymorth a chefnogaeth.
Yn 1989, mewn Partneriaeth gyda Chymdeithas Tai Eryri, agorwyd ein hostel gyntaf yng Nghaernarfon i 8 o bobl ifanc.
Heddiw
Erbyn heddiw mae GISDA yn cyflogi dros 30 o bobl ac yn cynnig gwasanaeth lletya i 56 o bobl ifanc drwy Wynedd a darperir llawer mwy na tho uwch eu pen. Dros y blynyddoedd mae’r gwasanaethau wedi ehangu a datblygu ac ar hyn o bryd yn cynnwys cwnsela, gwasanaeth cynghorydd personol ac addysg.
Y Dyfodol
Beth yw’r dyfodol? Y cwestiwn mwyaf yw “A yw GISDA’n gwneud gwahaniaeth?” Ein hateb yw “Ydy”, ond mae llawer mwy i’w wneud eto. Er mwyn ymateb i anghenion unigolion a newid mewn deddfwriaeth a pholisi cymdeithasol, mae gofyn newid y gwasanaethau a gynigir a chynnig gwasanaethau o’r newydd. Mae gofyn cynnal partneriaethau presennol a chreu rhai o’r newydd i’n galluogi i wireddu hyn.
Angen help?
Os ydych angen help cliciwch yma. |
